தமிழீழ விடுதலைப் புலிகள் இயக்கம் மீதான இந்தியாவின் தடையை எதிர்காலத்தில் நீடிக்கலாமா? இல்லையா என்பது குறித்து டில்லி மேல் நீதிமன்றம் விசேட விசாரணை நடத்தி வருகிறது. புலிகள் சார்பில் மறுமலர்ச்சி திராவிட முன்னேற்றக் கழகப் பொதுச் செயலாளர் வைகோ அங்கு ஆஜராகி வாதாடுவதற்கு அனுமதி வழங்க மறுப்புத் தெரிவிக்கப்பட்டுள்ளது.

 இவ்விசேட வழக்கு நேற்று டில்லி மேல்நீதிமன்ற நீதிபதி விக்ரம்ஜித் சென் முன்னிலையில் இடம்பெற்றது. இதன்போது ஆஜரான வைகோ இத்தடை நீடிக்கப்படக் கூடாது என்றவாறு தனது வாதங்களை முன்வைப்பதற்கு அனுமதி கோரினார்.அவரது வாதங்களைச் செவிமடுத்த பின்பே நீதிமன்றம் தீர்ப்பு வழங்க வேண்டும் என்றும் கேட்டுக் கொண்டார்.

ஆனால் மத்திய அரசின் சார்பில் ஆஜரான அரச சட்டத்தரணி எஸ். தணியாயன், இதற்கு ஆட்சேபனை தெரிவித்தார்.புலிகள் இயக்கத்தை வைகோ சேராதவர் என்பதால் புலிகள் இயக்கத்தின் சார்பில் வாதாட அருகதையற்றவர் என்று அவர் தெரிவித்தார். இவரது ஆட்சேபனையை நீதிமன்றம் ஏற்றுக் கொண்டது.


புலிகள் இயக்கத்தின் சார்பில் வைகோ வாதாட முடியாது என்று தடை விதித்தது.
ஆயினும் சட்டத்தரணி ஒருவர் மூலமாக சமர்ப்பணங்களை வைகோ மன்றுக்கு சமர்ப்பிக்க முடியும் என்று தெரிவித்து நீதிபதி இவ்வழக்கை எதிர்வரும் வெள்ளிக்கிழமை வரைஒத்தி வைத்தார்.

 காஷ்மீர் மாநிலத்தில் கடந்த சில மாதங்களாக நிலவும் மோசமான நிலைமையை முடிவுக்கு கொண்டு வருவதற்கு எட்டு அம்சங்கள் அடங்கிய திட்டங்களை மத்திய அரசு நேற்று அறிவித்துள்ளது.
கடந்த ஜூன் 11ம் திகதி பிரிவினைவாதிகள் நடத்திய ஆர்ப்பாட்டத்தில் கலவரம் ஆரம்பித்தது. இதனை கட்டுப்படுத்த பாதுகாப்புப் படையினர் நடத்திய துப்பாக்கி பிரயோகத்தில், 17 வயது இளைஞர் ஒருவர் பலியானார். இதனால் அங்கு மூன்று மாதங்களாக வன்முறைச் சம்பவங்கள் நடந்து வருகின்றன.
இப்பிரச்சினைகு தீர்வினை முன்வைக்க மத்திய உள்துறை அமைச்சர் ப.சிதம்பரம் தலைமையில் அனைத்துக் கட்சி குழுவை மத்திய அரசு அமைத்தது.
இந்நிலையில், பிரதமர் மன்மோகன்சிங் தலைமையில், பாதுகாப்பு தொடர்பான அமைச்சரவைக்கூட்டம் கூட்டம் டெல்லியில் நடைபெற்ற போது காஷ்மீர் நிலவரம் குறித்த அனைத்துக் கட்சி குழுவின் அறிக்கையை மத்திய உள்துறை அமைச்சர் ப.சிதம்பரம் சமர்ப்பிக்கப்பட்டு,அந்த அறிக்கை பற்றி விரிவாக விவாதிக்கப்பட்டது. இக்கூட்டத்தில், காஷ்மீரில் பதற்றத்தை தணிப்பதற்காக, 8 அம்ச தீர்வு திட்டம் ஒன்றுக்கு ஒப்புதல் அளிக்கப்பட்டது.

பாகிஸ்தானில் ஏற்பட்ட வெள்ளப்பெருக்கை அடுத்து நிவாரண நிதி திரட்டுவதற்காக பாகிஸ்தான் கிரிக்கெட் அணியுடன் விளையாட தென் ஆப்ரிக்கா அணி முன்வந்தது.அதன்படி 5 ஒருநாள் மற்றும் 3 டெஸ்ட் போட்டிள் கொண்ட இந்த தொடர் அக்டோபர் மாதம் சவூதி அரேபியாவில் நடத்தவது என்றும் முடிவு செய்யப்பட்டது. இந்நிலையில் பாக் வீரர்கள் தொடர்ந்து சூதாட்ட வழக்கில் சிக்கி வருவதால் பாகிஸ்தான் உடனான போட்டியில் விளையாட தென்னாப்பரிக்கா அணி மறுப்பு தெரிவித்துள்ளது

  .புகழ்பெற்ற ஆஸ்கர் விருதுக்காக ஒவ்வொரு ஆண்டும் இந்தியாவில் வெளியாகும் படங்களிலிருந்து ஒரு படத்தை தேர்வு செய்து ஆஸ்கர் தேர்வு கமிட்டி பரிந்துரை செய்து வருகிறது. 2010ம் ஆண்டுக்கு தேர்வான படத்தை இயக்குனர் கே.எஸ்.சேதுமாதவன் தலைமையில் அமைந்த 15 பேர் கொண்ட குழு தேர்வு செய்தது.  இதுபற்றி சேதுமாதவன் நேற்று நிருபர்களிடம் கூறும்போது, ‘‘தமிழ், இந்தி, மலையாளம், வங்காளம், கொங்கனி மொழியில் உருவான 27 படங்களை கடந்த 19ம் தேதி முதல் 24ம் தேதிவரை தேர்வுக் குழுவினர் பார்த்தனர்.
இதில் ஆமிர்கான் தயாரித்த ‘பீப்லி லைவ்’ என்ற படம் ஆஸ்கர் விருதுக்கான போட்டியில் பங்கேற்க இந்தியா சார்பில் தேர்வு செய்யப்பட்டுள்ளது’ என்றார். பீப்லி லைவ் படத்தை ஆமிர்கான் தயாரித்திருந்தார். விவசாயிகள் பிரச்னையை மையமாக வைத்து உருவான இப்படத்தை அனுஷா ரிஸ்வி இயக்கி உள்ளார். புதுமுகம் ஓம்கார் தாஸ் மாணிக்புரி ஹீரோவாக நடித்திருக்கிறார்.

சன் பிக்சர்ஸ் தயாரித்த எந்திரன் படம் மாபெரும் வெற்றியடைய வேண்டி சோளிங்கரில் இன்று காலை ரசிகர்கள் பால்குடத்துடன் ஊர்வலமாக சென்றனர். பின்னர் 1,305 படிக்கட்டுகள் உள்ள மலைக்கோயிலுக்கு ரசிகர்கள் முட்டிப்போட்டு படியேறினர்.ரஜினிகாந்த் நடித்துள்ள ‘எந்திரன்‘ படம் வரும் 1ம்தேதி உலகெங்கும் திரையிடப்படுகிறது. இதனை பார்த்த ரசிகர்கள் மகிழ்ச்சி அடைந்து பட்டாசு வெடித்து கொண்டாடினர்.

1.ஏப்ரல் 14 முதல் மே 13 வரை
2. மே 14 முதல் ஜூன் 13 வரை
3. ஜூன் 14 முதல் ஜூலை 13 வரை
4. ஜூலை 14 முதல் ஆகஸ்ட் 13 வரை
5. ஆகஸ்ட் 14 முதல் செப்டம்பர் 13 வரை
6. செப்டம்பர் 14 முதல் அக்டோபர் 13 வரை
7. அக்டோபர் 14 முதல் நவம்பர் 13 வரை
8. நவம்பர் 14 முதல் டிசம்பர் 13 வரை
9. டிசம்பர் 14 முதல் ஜனவரி 13 வரை
10.ஜனவரி 14 முதல் பிப்ரவரி 13 வரை
11.பிப்ரவரி 14 முதல் மார்ச் 13 வரை
12.மார்ச் 14 முதல் ஏப்ரல் 13 வரை