.  மரங்களை உணவாக உட்கொள்ளும் புதியவகை மீனினம் ஒன்று அமேசன் காட்டுப்பகுதி ஆறுகளில் கண்டுபிடிக்கப்பட்டுள்ளது. 'கெட்ஃபிஷ்' என்றழைக்கப்படும் இந்த மீன் வகையை அமெரிக்க தேசிய விஞ்ஞான ஸ்தாபனத்தை சேர்ந்த விஞ்ஞானிகள் கண்டுபிடித்துள்ளனர்.

இந்த மீனானது சுமார் 2 அடி 3 அங்குலம் வரை வளரக்கூடியது. கரண்டியைப் போன்ற பல் அமைப்பை இம்மீனினம் கொண்டுள்ளது. இதன் மூலம் ஆற்றினுள் விழும் மரக்கட்டைகளை சுரண்டி இது உட்கொள்கின்றது.

எனினும் இவை உட்கொள்ளும் மரத்துண்டுகள் இவற்றின் சமிபாட்டுத்தொகுதியில் சமிபாடடைவதில்லை. இவை மரக்கட்டைகளின் மேல் வளரும் நுண்ணிய வகை தாவரங்கள், நுண்ணிய விலங்குகள் மற்றும் சிதைவுகளையும் சேர்த்து உண்கின்றன. இவை இவற்றின் சேமிப்புத்தொகுதியில் அகத்துறிஞ்சப்படுகின்றன.

இவை உண்ணும் மரத்துண்டுகள் கழிவுகளாக வெளியேற்றப்படுவதாக ஆராய்ச்சியாளர்கள் தெரிவிக்கின்றனர்.

அமேசன் காட்டுப்பகுதியைச் சேர்ந்த மக்கள் இதனை உணவாக உண்பதாகவும் தெரிவிக்கப்படுகிறது.