நாடு கடந்த தமிழீழ இராச்சியத்தை வீழ்ச்சியடைச் செய்ய அமெரிக்காவின் உதவி பெற்றுக்கொள்ளப்படும் என அரசாங்கம் அறிவித்துள்ளது.(மேலும் வாசிக்க)

  வீதியில் ஓடும், ஆகாயத்திலும் பறக்கும் வகையிலான கார் ஒன்றை, உலகிலேயே முதல் முறையாக அமெரிக்க நிறுவனம் தயாரித்து வருகின்றது.
ஒரு கோடி ரூபா விலை கொண்ட இந்த கார், 2011 ஆம் ஆண்டு முதல் விற்பனைக்கு வரும் என்று எதிர்பார்க்கப்படுகிறது. அமெரிக்காவைச் சேர்ந்த டெராப்யூஜி யாஸ் என்னும் நிறுவனம்,பறக்கும் காரைத் தயாரிக்கவுள்ளது.இறக்கைகளுடன் தயாரிக்கப்படும் இந்தக் கார், வீதியில் செல்லும் போது சக்கரங்களையும், பறக்கும் போது மடிக்கப்பட்ட இறக்கைகளை விரித்துக் கொண்டும் செல்லும். அதிக கனமில்லாமல், எளிதில் இயங்கக் கூடிய விளையாட்டு விமானம் போன்று காணப்படும் இந்த விமானக் காரை, பயிற்சி பெற்ற யார் வேண்டுமானாலும் ஓட்டலாம். இரண்டு பேர் பயணம் செய்யலாம். புறப்படும் இடத்தில் இருந்து வீதி வழியாக விமான நிலையம் வரை காராகச் செல்லும் இந்த வாகனம், விமான நிலையத்தில் இருந்து விமானம் போன்று விண்ணில் பறந்து செல்லும். விமான நிலைய கட்டுப்பாட்டில் மற்ற விமானங்கள் இயங்குவது போலவே, இந்த கார் விமானமும் இயங்கும். இந்த காரில் பலவித நன்மைகள் உள்ளன.வீட்டில் இருந்து விமான நிலையத்திற்குச் சென்ற பின், அங்கு இந்த வாகனத்தை, "பார்க்கிங்'' ஏரியாவில் நிறுத்த வேண்டிய அவசியம் இல்லை. பறந்துசெல்லும் போது மோசமான வானிலை, புயல்க் காற்று போன்ற இடர்பாடுகள் ஏற்பட்டால், குறைந்த கால இடைவெளியில் வீதியில் இறங்கி விட லாம் வீதியில் கார் சென்று கொண்டிருக்கும் போது, தேவைப்பட்டால் 30 வினாடிக்குள்  பறக்கும் தன்மைக்கு மாறும்.

யாழ்ப்பாணத்தின் பொருளாதார நிலை தற்போது முன்னேற்றம் அடைந்து வரு கின்றது. மக்களுக்கான கடன் திட்டங் களையும் பல வங்கிகள் வழங்கத் தொடங்கி யுள்ளன. இது ஒரு நல்ல ஆரம்பம். இவ்வாறு ஏனைய வங்கிகளும் மக்களுக்குத் தேவையான கடன்களை வழங்க முன் வரும் என்று நம்புகிறேன் என மத்தி வங்கி யின் வடபிராந்திய பிரதிப் பணிப்பாளர் அ.சிறிதரன் தெரிவித்துள்ளார்.
யாழ்ப்பாணத்தில் புதிதாக ஆரம்பிக் கும் வங்கிகள், நிதி நிறுவனங்கள் மக் களின் சேமிப்புக்களைப் பெற்றுக் கொள் வதிலேயே குறியாக இருக்கின்றனவே ஒழிய கடன்களை வழங்க முன்வருவ தில்லை என்ற குற்றச்சாட்டு மக்களால் பொதுவாக முன்வைக்கப்படுவதுபற்றிக் கேட்ட போதே அவர் இவ்வாறு தெரிவித் தார்.
வங்கிகள் மக்களுக்குக் கடன் வழங்கு வதற்குப் பின்னடிக்கும் நிலைமை தற் போது ஓரளவு குறைவடைந்து வருகின்றது.
வங்கிகள் ஆரம்பத்தில் மக்களுக்குக் கடன்களை வழங்குவதில் பின்னடித்தன. தற்போது அவர்களுடைய தேவைகளுக்கு ஏற்ப கடன்களை வழங்கி வருகின்றன. இருப் பினும் அடையப்பட வேண்டிய இலக்கு நீண்ட தூரத்திலேயே உள்ளது என்றார்.